تلوين ورسم بس مو على ورق

على الحصى رسم وتلوين وناسه اطلعو حلوين ..بس اصير عندي وقت راح ارسم واتوسع في الرسم على الحصى ..كانت تجربتي الاولى لابأس فيها =)

وكنت ماخذه كميه من الحصى شايلته على قلبي وزن =) من صلاله من شاطئ مغيسيل .

وفي حصى الوانه حلوه مايحتاج الا ورنيش .

انتعاااااش

مادري يديد قديم مادري

مو من كثر روحاتي حق بادي شوب بس أمس كنت ماره يمه وله أشوف في شنطه صغيره حق السفر فيها أغراض السباحه مع العطر فخذيتها.

وله أشوف هذي المجموعه بالانعناع حق القدم ...سنفره وكريم وسبري وشنطه للبديكير ..حبيتهم وجربتهم واي نعناع وريولي تنتفس ومنتعشه وناسه =) إنتعاش الصيف

Corn Dogs

لايطوفكم الصراحه وايد لذييذ .. الدرزن ابـ 2.500 هذا الـmini أما الكبار القطعه ابـ 750 فلس وإيي معاه 8 أنواع من الصلصات ورقمهم
66607115

صباح العصافر الي تغرد على اوتار اشعه الشمس الذهبيه

صباح كله حب وحنيه

صباح الاصحاب والاحباب والاهل ورفقه الي من غيرهم انا فقيره ماني غنيه

سمعتوا عن .....!!!!

أمسي عليكم أول شي واقولكم شلونكم وشخباركم وتراكم حدكم واحشيني ...بس الفيس بوك أخذني منكم ...وألحين يايبه لكم موضوع يمكن يكون قديم عند بعض الناس وبعضهم بيكون لهم شي يديد ...سمعتوا عن شي إسمه الفطر الهندي...؟؟؟؟

وبالإنجليزي ( الكيفير Kefir ) ...

تقدون تتعرفون عليه وعلى فوايده من خلال هالموقع .. وتقدرون تستعينون بجوجل للبحث والتعرف زيادة عليه :)

وهذي طريقة إعداده ..

عقب ما نكون حاطين ( الفطر الهندي ) بالحليب الخالي الدسم السائل ( على كيفكم أي نوع حليب ) ..لمدة 24 ساعة في مكان مظلم ..

نشخله بمشخال بلاستيك ...( إي وما قلت لكم لازم الدولكة تكون زجاج ) والقفشة هم بعد بلاستيك ...هذا شكلة عقب ما شخلناه وغسلناه ...لقطة ثانية حقه مع الحليب ...هني عقب ما صار الحليب لبن من الفطر الهندي ...واللي يحب يزيده شويه ملح :) طبعا هذيل عقب ما ردينا ثاني مره جهزناهم ...يعني نرد نحط الفطر + الحليب ..نغطيهم بقطعة ململ ( اسم الخام ) وسير عشان ما يتخمر ..يالله جهزوا عشان يدشون الكبت ...أو الكرتون ...وتنطرون مرة ثانية 24 ساعة عشان تردون تشروبنه يوم ثاني وعليكم بالعافية وترى فوايده وايده ...

The StoneGrill

صباح الخير والجوري والنوير :) تعشينه امس في هالمطعم .. الصراحه وايد عجبني لأن في شي مميز .. انكم اذا طلبتو ستيك ايبولكم (stone ) صخره مربعه حاره تشوون فيها .. وتختارون نوع اللحم او الدياي او الربيان الي تبونه مع درسنغ وتشوونه بروحكم .. وناسه مو ؟ :)

موقع المطعم : أمنيه سنتر .. الدور الثاني ..جبال ليلى جاليري بالضبط .

طبق مقبلات ( مشروم ) لذيييذ

هذا اللحم الي انا طالبته

طبعا لازم اول شي يلبسونكم (سدريه) :) عشان تشوون على الراحه بدون لااتلقمط هدومكم :) مو خوفكم مثل (ام مود) استيكها 16 مره يطيح بره وترده فلازم السدريه حق لعليميه :)

وختامها كان مسك .. فاجئوني الفيونكات بعيد ميلادي :) موعبالكم يايبيلي مزهريات على ورد .. ترى هذا كيك اوريو .. ...حركات :)

أشكر الفيونكه : pearl + snow white + stella + om mod + gardenya على هالمفاجئه والعزيمه الحلوه .. الله يخلينه لبعض يارب .. بس كان ناقصنه ( ام علاوي و master )

التاج السلطاني

وصلني هالواجب من Being one مادري ليش حسيت اني طالبه بالمدرسه و being one أبلتي p;

أولاً : قوانين التّاج السُلطاني
اذكر اسم من طلب مِنْكَ حلّ الواجِب : Being One

ثانيا : القوانين المتعلقة بهذا الواجب :

1. تحّدث عن ستّة أسرارٍ قد لا يكتشفها من يُقابلكَ للمرة الأولى .
2. حوّل هذا الواجب إلى ستة مدوّنين و اذكر أسماءهم مع روابط مدوّناتهم في موضوعك .
3. اترك تعليقاً في مدوّنة من حوّلت الواجِب عليهم ، ليعلموا عن هذا الواجِب .

اجابه السؤال الاول :

1. ماراح يدري هالشخص اني اتنرفز واعصب وماجامل في بعض المرات عبالهم بس هاديه واضحك :)

2 . إذا انا بالبيت وبتعشى لازم لازم اطالع التلفزيون وما تطب لقمه بحلجي الا لمن يطلعلي برنامج او مسلسل يعجبني :)

3. انا number one بلعناد .. الي براسي اسويه p:

4. احب الترتيب بشكل موطبيعي .. لوكنت بنام واشوف قوطي لكلنكس متحرك اشوي من المكان الي انا حاطته اقوم واعدله على زاويه معينه ههههه

5. احب أعاشر الي دمهم خفيف .. لوتلاحظون رفيجاتي كلهم دمهم عسل :)

6. واخر شي اذا كنت بالسياره وقاعده اتكلم بالتلفون كله امشي سيييييييييييييييده وذا سكرت التلفون تلقوني واصله قلعه وادرين P;

اجابه السؤال الثاني :

dodoq8

fishah

طز بالرجاله

artful

شخبوطه كويتيه

شاي الضحى

عاد ماجيكت واصلهم الواجب من قبل لا احولهم ويلا لأ :)

توقتو اني جذي ويلا لأ ؟؟؟؟؟

أول مره أسويها ....التاج السلطاني

بصراحة أول مرة بحل هالواجب واهو التاج السلطاني من الحلوة Shaymooona...

وقوانينه :

1- اذكر اسم من طلب منك حل الواجب ؟؟

2- تحدث عن ستة أسرار قد لا يكشفهامن يقابلك أول مرة ؟؟

3- حول هذا الواجب إلى ستة مدونين واذكر اسمائهم ؟؟

بسم الله نبتدي ....

إجابة السؤال الأول ...

SHimoOoNa

أما الثاني ..

ستة وايد ...بس يمكن اللي يشوفني ما يدري إني حدي طيبة وعلى نياتي ( حدها مصدقة عمرها :) ) ...

الثالث .....

Bhr.qadsaweya

bent eldera

Life after Marriage

sn3a

lazy dazy

...

وهذا أنا أديت وعدي ...وحليت الواجب ..:)

قافله الحريه تناديكم

اليوم 6:30 أمام مجلس الامة في ساحه الإراده ..تجمع لانكار ماحدث لركاب سفن الحريه

حسبنا الله ونعمه الوكيل

اليوم يبدي العد التنازلي

ايييييه الله يعين الجميع من طلبه وطالبات ومدرسين والمدرسات الى حراس المدارس والامن الكليات والمعاهد



دراسه ...... تلاخيص .....ترقب ...... تجهيز مذكرات



ترجي اهل لعياهم الله يخليكم درسوا



حبسه ونرفزه



مع هذا الجوى بديت اليوم ادرس بنتي وحتفلنا بفوندو منزلي سريع



دعينا حق بنتي بالتوفيق



وزهبت حلاو المص للبلعون حق بعد لصراخ ..



وقلت حق بنتي احتفال في بدأ الدراسه للفاينل بعد هذا الفندو راح نبدي الجد



واليوم زهبت التلخيصات حق المواد



الله يعين الجميع
الفوندو قبل الهجوم
اكيد دارك جكلت :)
بعد الهجوم
وحوووش
=)


سلام

فضفضه

يسعد صباحكم
ما ادري شلون ابتدي الكلام و دي افضفض شوي (اول مره افضفض علني يمكن افيد بعض ناس :) ).... بس مرات تحسون في قلبكم كلام بس مو عارفين شلون طلعونه شي يقرقع داخل يمكن حزن قديم او جرح صديق او حلم ما تحقق ان بتكلم عن الاحلام مرات الواحد يسعى ورا احلام و امنياته و يبذل المجهود و الوقت علشان تصير بس ما تتحقق معنه بذل الاسباب و توكل على الله بس بالنهايه ما حصلت اهني اي دور الصبر اخخخ من الصبر شي صعب في البدايه بس الواحد ينظره بشي من الايجابيه ان الشي الي يسعيله مو هذا وقته المناسبه علشان يصير وان الله سبحانه و تعالى مو ظالم لعبده اهو عارف شنو الصالح له بس يبيييه يصبر و يسلم المقادير لرب العالمين مو معناه يتخاذل عن حلمه بس يوكل اموره على ارحم الراحمين .
و اختم كلامي بهذا الدعاء (الهي قلبي محجوب ونفسي معيوب وعقلي مغلوب وهوائي غالب وطاعتي قليله ومعصيتي كثير ولساني مقربالذنوب فكيف حيلتي يا علام الغيوب يا غفار الذنوب وياستار العيوب اغفر لي ذنوبي كلهاياغفار ياغفار ياغفار ياشديد العقاب ياغفور يارحيم ياحليم ياكريم )

ياربي يحقق احلامي و احلامكم ... آمين :)

احلا مايه

صباح الخير والجوري والنوير :) أمس الصراحه الي كان بالشاليه وماتسبح الصبح راح اقول ( طافتكم المايه ) كانت الساعه 8 الصبح ومن طليت من الدريشه وشفت المايه زبده مابعدها زبده على طوول بدلت وطبيت .. وااي حسيت اني جني قاعده اطير بالسما وانه اتسبح من كثر ما اهي صافيه وشفافه .. صج استمتعت .. واستمتعت زياده يوم حطينه طاوله بالبحر وتريقنه :) انصحكم اتجربونها :)

طبعا هذا اخوي ( حمني ) غني عن التعريف :) شفتو المايه اشلون شفافه وتهبل

طعام ... صلاة ... حب

مساء الخير .... من زمان مو كاتبه شي بالبلوق و اليوم في خاطري اتكلم عن كتاب طعام صلاة حب توني مخلصته فرش :) هل كتاب يتكلم عن سيرة ذاتيه عن وحده اسمها اليزابيث غيلبرت و هي مؤلفة الكتاب تتكلم عن تجربتها بعد الطلاق شلون دمرت حياتها و حست روحها ضايعه مو عارفه من وين تبتدي فقررت تبحث عن ذاتها في 3 دول قررت تعيش في كل دوله 4 اشهر ... فراحت اول شي ايطاليا و تعلمت اللغة الايطاليه و متعة الاكل بعدها راحت الهند و قعدت في معتزل تعلمت التامل و الصلاة و اختمت رحلتها في اندونيسيا تعلمت الحب و التوازن

الكتاب ممتع و مشوق حسيت مرات ان مشاعرها و احاسيس مشابه لظروف انا مريت فيها و تعطي دافع للتغيير ان الانسان مهما كبر في مجال يتغير للاحسن .... و ارد و اقول الكتاب حلو حلو حلو لا يطوفكم :))) و نسيت اقولكم ان حولوا الكتاب الي فلم eat pray love من بطولة جوليا روبرت و راح ينزل في الصيف ....يا سلاااااام

إستثمر

البرنامح المتخصص للمشروعات الصغيرة ... يقدم مجانا في جامعة الخليج

يرجى الضغط على الصورة للتكبير

الموقع

بطاقة الحب

و أنا قاعدة أراجع على بعض المذكرات بالدوام إلا ألقه غلط مطبعي ، بدال لا يكتبون بطاقة السحب الآلي كاتبين بطاقة الحب الآلي... و الله و ناسة لو صج أكو شي إسمة بطاقة الحب، ومن مميزاتها إن الريل إهوه إلي يحط فيها فلوس حق مرته :) شرايكم ؟

.

.

.

.

.

تخيلت شكلها بعد :)
بطاقة الهواش شكلها بتصير مو الحب