الثلاثاء، 30 نوفمبر 2010

لفت نظر

سلام الله على كل من رد يتابعنا ... وعلى كل من فقدنا ... بصراحة أشكر أبلة (kawaiilover26 اللي يحب يتابع بلوقها بس يضغط على إسمها )على تشويقها لنا في العوده للكتابة بالبلوق ( عسى ما شر أم مود لغة عربية ) المهم بدش لكم على طول بالموضوع اللي غاثني الله يغث اللي غثني إنشالله قولوا آمين ...

تخيلوا صار لنا فترة والمدير ما عنده إلا أنا ورفيجاتي وين قاعدين هل متجمعين بمكتب واحد ولا كل وحده بمكتبها مع العلم انه ماكو شغل متأخر ولا أحنا من النوع الليي سوي لوية وازعاج ( عن الحلال والحرام بعض المرات يرتفع صوتنا )...
اليوم اللي صار الطامة الكبرى أنا وصديقتي فاتو قاعدين مع بعض تريقنا الحمد الله وطبعا معانا ستيلا بعد ما كلنا وخلصا تقريبا قريب الساعة ١٢ الظهر ... مر صوبنا المدير وانا مكتبي جدام المطبخ... وكان في واحد يديد ياينا عاد المدير ياي يشوفه وفاتو عندي واهوا قبل هالمرة شايفها عندي ومكلمها وقايلها قعدي بمكتبج المهم واهو يكلم هذا قامت فاتو وراحت مكتبها... وجنطتها واغراضها كلهم عندي .. المهم دش سلم سأل عن زميلتي بالمكتب قلت له مو مداومة ... تخيلوا سأل عن الجنطة يقول : هذي جنطة منو ؟؟؟؟؟؟؟؟؟
يوم قلت له هذي جنطة فاتو سألني شنو اهي قاعده هني قلت خليني ارقع قلت لأ بس كنا نتريق ...
ولا بييت فاتو شافها سلام سلام ها شعندج يايه هني ... اعفست الدنيا وقالت له ماكو يايه آخذ تلفوني خذته وراحت ..
تميت شوي وشلت أغراضي و رحت عندها ..وستيلا استأذنت وراحت...
شوي ما نشوفه الا ياينا عنوه من مكتبه ويقول ( انتوا الثنتين يا قاعدين هناك يا هني.. لو سمحتي مكتبج طبعا هالحجي لي )
حمد الله والشكر على نعمة العقل شنويضايقه إذا احنا ربع شنويضايقه إذا احنا صوتنا مو طالع شنو يضايقه إذا مو معطلين الشغل ..
شمعنه احنا وليش ؟؟؟؟؟؟
هذا اهو السؤال !!!!!!
كثر ما حبيت الدوام كرهته ... كثر ماكنت احاسب نفسي على مرضياتي ما قمت ابالي ... الحين خلاص قمت اسوي شغلي بس عشان احلل معاشي وارضي ربي ضميري ( طبعا من الأول اطلب رضى ربي بس قبل كنت ذبح نفسي عالشغل وساعات أكون تعبانة بس لأن عندي شغل أداوم) ..
واللي بعرفه كل الدوامات جذيه ؟؟؟


الله يعينا على ما بلانا ..طبعا هذا شي من لا شي من المواقف اللي تصير لنا بالدوام ...



وعقب كل هذا وصل حق كل وحده فينا لفت نظر بإسمها :)...

هناك 12 تعليقًا:

رورو الشخبوطه يقول...

قمة التخلف لما ماتسوين شي ويحطونج ابالهم جنه بينحشونج غصب..

للاسف كلنا نعاني بس كل وحده بشي معين من الدوام..

الله يعينج يارب..

Um il sa3af wil leef يقول...

هذه بهارات الدوام
عادي
ضحكي وقطي ورا ظهرج

تيك كير
:)

غير معرف يقول...

بالعكس تصرفه صحيح
تبون تتريقون وتسولفون عندكم بيوت لكن الحكومة عطتكم معاشات حق الدوام مو الفرارة من مكتب لمكتب يا راعية التحليل والتحريم
"بنت بولهب"

Om MoD يقول...

رورو الشخبوطة :

هذا اللي يحر ولما تدرين انتي شنو تنجزين ...

الله فوق وياخذ الحق انشالله ...



Um il sa3af :


تصدقين انا اقول جذيه بس ساعات افكر اهو ليش يسوي جذيه ...



غير معرف :

شكرا عالتعليق ... 

غير معرف يقول...

ashwa eny eftakait men eldawam o men sewalf eldawam ely men 6agat modeerkom o enty ray7a ..sej ma 3nda salfa el7mdelah wel sheker 7ata eljan6a yes2al 3anha
moneera.

chocolate يقول...

allah e3eenkm awal marra asma3 moder mosa7y chethy ,, wala gemt a7med raby 3ala dawamy

غير معرف يقول...

اووف مدير العازه هذا .. شكله بيتقاعد وقام يستنزل عليكم ويترصد لكم
عموماً ولا يهمكم لفت النظر اهو وقلته بالسويه والله على كل ظالم :/

اما بنت بولهب تعليقج مامنه فايده
ونكج يخرع! وايد مفتخره بهل الابو ؟ خلصت الرياييل

ما قول الا زمن أغبر ،، وعوده حميده فيونكاتنا :*

تحياتي : كيكه مقرومه ؛).

SiLeNTGRL يقول...

شدعوه عليه معطيكم لفت نظر على شنو اذا شغل ماكو وممعطلين شي شيبيكم اتسوون كل وحده تربع ايدها وتحط صبعها على حلجها مثل ايام الروضه وماابي اسمع صوت
تلاقينه محتر محد يسولف وياه
انا مابط جبدي الا لما سأل هذي جنطة منو انت شكوووو شاللقافه
الله يعيينكم على هالمدير انا اعرف هذي سوالف اذا كانت مديره تكون عسره وماتحب احد يسولف ويهذر

جاردينيا 2000 يقول...

اهوى محتر ...والتقاعد على الابواب ..فاضي..ماعنده شغل والدليل افرارته على البنات ...لو مو فاضي جان اتشوفونه دايما داخل مكتبه ...مديري بس يدخل مكتبه اتشوفون المراجعين طابور عند الباب الى ما بعد الدوام ..مع هذا يبتسم ويضحك ولا يرد احد ..اصلا مو فاضي حتى يشوف كشف الحضور وله حتى يسمع عن القيل والقال
شوفو الفرق

غير معرف يقول...

بس ابي اعرف محتر من شنو اهوه مدير وانتو موظفات بس اهو مو مرن في الدوام محتر اذا كان مره او موظفه وموظفه مو مدير وموظفات لوووووول

Om MoD يقول...

شكرا لكل من علّق ..

وكل من احتر على حرتنا ...


وكيكة بردتي جبدي على هالتعليق...


ومن زمان واحنا نسمع بيتقاعد ولا تقاعد ..........:(

غير معرف يقول...

مهلا ، حاولت أن البريد الإلكتروني الذي المتعلقة لهذا المنصب لكن ارين؟ تي قادرة على الوصول إليك. يرجى البريد الالكتروني لي عندما تحصل على لحظة. شكرا.