الثلاثاء، 3 أغسطس، 2010

راس صداموه بلكويت



مساء الخير والجوري والنوير :) المفروض هالبوست يكون أمس مو اليوم بس الظروف ماساعدتني أمس .. المهم بمناسبه ذكرى 2\8 المؤلمه أدعو لشهدائنا الأبطال بالرحمه وأسكنهم فسيح الجنان واغفر لهم يارحمان .. وأقول لصداموه وربعه وللعراق ابكبرها حسبي الله عليكم ياظالمين وياغدارين وياخونه .. والي سويتوه فينه جزاتكم راح يكون عند رب العالمين بالدنيا والآخره .. ولن ننسى ولا راح ننسى .



ولي يبي يبرد جبده يروح ( متحف بيت الكويت للأعمال الوطنيه ) وراح يلاقي تمثال راس صداموه المجرم .. الجيش الأمريكي يايبه لنا من ( تكريت ) .. وسوو فيه الي تبون .. أهلي داسوه دوس وحتن بنتي الي مالحقت عالغزو والا تدري عنه خلوها تدوسه :) حسافه ماكنت معاهم جان يمكن كسرته P: بس جان زين صجي مو ثمثال عشان انعذبه مثل ماعذبنه لين يموت .. حسافه ان اشنقوه والله .. ماحس بالعذاب .. حلاته اييبونه لنه بقفص وكل شعب لكويت ترجمه ويلا اتنتفه بالملقط لين يموت . أنا شكلي عقب هالبوست ماسكتني الدوله وراح اكون بخبر كان لووول .. بس صدقوني ماراح اتراجع عن الي قلته :)


والله يحفظج ياديرتي الحبيبه ياكويت




هناك 4 تعليقات:

ROro Mania يقول...

توني ادري يايبين راسه الكويت
لووول زين يسوون اهلج..
حسبي الله عليه خرب ديرتنا و شردنا !!
الحمدلله .. الله خذاه و فكنا منه و من شره !!

abady يقول...

لن ننسى غدر الجار العربي المسلم بجاره العربي المسلم
لن ننسى 7 أشهر من الظلم والقهر والطغيان البعثي
لن ننسى أصوات المدافع والقصف فوق رؤوسنا
لن ننسى شهدائنا الأطهار الذين دفعوا أرواحهم فداء الوطن
لن ننسى الإعتقال والتعذيب والقتل والتشريد والإهانة بحقنا
لن ننسى هدم مبانينا وحرق نفطنا وتدمير بيئتنا
لن ننسى دموع أميرنا الراحل في الأمم المتحدة
لن ننسى وحدة شعب تجسدت بأروع وأسمى معانيها
لن ننسى إلتفاف شعبنا حول قيادته الشرعية
لن ننسى جابر الخير وسعد الكويت ومساعيهم لتحرير وطننا
لن ننسى رجال الكويت المقاومين للإحتلال والمرخصين لأرواحهم
لن ننسى نساء الكويت المتظاهرين بوجه المحتلين
لن ننسى وقفة الشرفاء بالعالم الحر للدفاع عن حقنا في أرضنا
لن ننسى أهلنا أهل الخليج في تجسيدهم لمعنى الأخوة والخليج الواحد
لم ننسى و لن ننسى 2 أغسطس 1990 ... الى يوم الدين

رورو الشخبوطه يقول...

المفروض يحطون راسه بالمزبله او المحرقة مو يرزونه بالمتحف خخخ..

ومشكوره.

Bafak يقول...

الريال اعدموه وفي جهنم وبئس المصير
شكو جايبين راسه
اش هالعقليه حمدالله والشكر
صرنا يهال