صباح الخير والجوري والنوير :) تعشينه امس في هالمطعم .. الصراحه وايد عجبني لأن في شي مميز .. انكم اذا طلبتو ستيك ايبولكم (stone ) صخره مربعه حاره تشوون فيها .. وتختارون نوع اللحم او الدياي او الربيان الي تبونه مع درسنغ وتشوونه بروحكم .. وناسه مو ؟ :)
موقع المطعم : أمنيه سنتر .. الدور الثاني ..جبال ليلى جاليري بالضبط .
طبق مقبلات ( مشروم ) لذيييذ
هذا اللحم الي انا طالبته 
طبعا لازم اول شي يلبسونكم (سدريه) :) عشان تشوون على الراحه بدون لااتلقمط هدومكم :) مو خوفكم مثل (ام مود) استيكها 16 مره يطيح بره وترده فلازم السدريه حق لعليميه :)
وختامها كان مسك .. فاجئوني الفيونكات بعيد ميلادي :) موعبالكم يايبيلي مزهريات على ورد .. ترى هذا كيك اوريو .. ...حركات :) 
أشكر الفيونكه : pearl + snow white + stella + om mod + gardenya على هالمفاجئه والعزيمه الحلوه .. الله يخلينه لبعض يارب .. بس كان ناقصنه ( ام علاوي و master )
هناك 22 تعليقًا:
ما شاء الله
هذا طلي؟
بالعافيه يارب..
انا من زمان سامعه عنه بس ماجربته..
ما اذتكم ريحة اللحم لما كنت تشونه؟؟
وكل عام وانتي بخير..
والعمر كله يارب..
كل عام و انتي بخير و انشالله ايامج كلها افراح
happy birthday dear
o kel 3am wentay eb alf 5air
3alaikom bl3afya
هني و عافية
و كل عام و انتي بخير
:)
الله يخليكم لـ بعض يا رب ..
و بالعافية :) !
اول مره اسمع بهالمطعم و شكله صج يشووووق و لازم اجربه P;
و بالعافيه عليكم
و كل عاااااام و انتي بخيييير :)
استغفر الله شكل اللحم واهوا ني يلوع الجبد
كلش ما حبيت فكرة المطعم لاني ما احب اشوف شي ني
عليكم بالعافيه
وكل عام وانتي بالف خير
والله يخليكم حق بعض :)
بالعافية بس الشكل ما يساعد :/
كل عام وأنت بخير
:*
كل عام وأنتي بألف خير حياتي
انشالله المره اليايه أكون معاكم
أم علي
ولد اليره :
هلا والله في ولد الديره :)
والله مادري انا من النوع ما أسأل عن انواع اللحم .. بس اقول حق الغارسون ابي احسن واحلى نوع لحم :)
رورو الشخبوطه:
اهلين رورتنا :)
مو وايد اتأذي عادي .. بس لازم اذا رديتي البيت اتغسلين هدومج وتسبحين .. لأن ريحتج راح تصبغ عدل :)
sun shine
اهلين :) ونتي بصحه وسلامه .. مشكوره ماقصرتي :)
sn3a
هلا والله سنعه :) ونتي بصحه وسلامه مشكووره :)
عثماني :
هلا والله ابعثماني :) ونت بصحه وسلامه .. مشكور ماقصرت :)
rawan :
اهلين روان :)
اميين .. ومشكوره ماقصرتي .. والله يعافيج :)
being one
هلا والله فيج :)
اي والله لايطوفج حدج راح تستانسين هناك .. وخاصه اذا كانو الي معاج ( فصله ويننون ) نفس الي عندي :)
شاي الضحى :
هلا والله فيج :) ونتي بخير يارب :).. ترى هم انا ما حب اشوف اللحم ني .. بس اتصدقين يوم شفته مالاعت جبدي .. لأني كنت متشوقه اني اشوي فنسيت لوعه الجبد لووول
حياتي هدف موعبث :
هلا والله فيج :)
ونتي بصحه وسلامه :) ترى من تبدين تشوينه ترى ابسرعه يستوي .. يعني ماراح اتشوفين هالمنظر وايد :)
افراح :)
هلا والله ام علاوي .. ونتي بصحه وسلامه مشكوره .. شنو احنه ابننطر السنه اليايه عشان انشوفج .. شوفيلج هاليومين .. صج ولهانه عليج فروح .
c u soon انشاءالله
اضحوكه انتو اتحشون بعض وحبيبتي وحياتي جدام بعض هاهاها
غير معرف :
لو كنتي جريئه جان كتبتي اسمج .. ومنو الي قاعد يحش بالثاني !!!!!!!
الحمدالله احنا قلوبنا على بعض .
(( كل من يرى الناس بعين طبعه ))
الغيرة ماتسوي
الله مايفرقنا عن بعض
صراحه اثبتولي انكم على قلب لوووووووووول
حبيته خوش مطعم
و أكله حلو اسعاره جيدة
غير معرف :
عسى ماشر اختي .. شنو مشكلتج بالضبط !!!!!!!!!!!!!!
roowy:
هلا والله رووي :)
اي والله يبيله روحه مره ثانيه عشان انجرب باجي الاطباق :)
فاتو
الف مبروك
و طلعتي عصله..لا مو شي كلش
:)
زين بسوي الواجب قريب ان شاء الله
مرة ثانية كل عام و انت بخير
و مطرح ما يسري يمري
و حق غير المعرف الي مأذيتج
مطرح ما يهري يهري
طز بالرجاله :
اهلا اهلا :) الله يبارك فيج :) لااا هذي مو انا .. هذي فيونكه من الفيونكات :) اهي الوحيده الي انصورها .. ايدها مشهوره اصلا .. حتن مره كاتبين بوست عن صبغ اظافر ومصورين ايدها .. وعاد عقب وصلنه ايميل عن هالموضوع وحاطين صوره ايدها لوووول
وظحكتيني على الي يهري يهري لوووول .. دايما اقول حق الفيونكات انتي تبردين جبدي ابوستاتج وبردج :)
وناطرين الواجب :)
صج لي قالوا الغيرة سبايب ..
ما أوق لإلا عسى الله لا يفرقنا ...
كل عام و انتي بألف خير يالغلا
وعأبال المية
وعليكم بألف عافية
يعطيج العافية
إرسال تعليق