أنا والبان كيك ربع كل يمعه نلتقي على الريوق ..بس هذي المره غير..من ذقت الككاو الي يابته بليير من هوتيل شكلت الي بالتوفي والموز وأنا يانه الا اسوي الخلطه
وطبعا درست الموضوع عدل وتصفحت النت وطلعت بهذي النتيجه
اقلي الموز بالزبده بعد ما اغلفه بالنشا او الطحين ..واسوي التوفي مع قطرات الماء وقليل من الحليب وشكر الاسمر الى ان تتكون صلصه التوفي وبنهايه اخلط الموز بالتوفي وارشه بالدارسين ..واحشيه بالبانكيك واصب فوقه صلصه الشكلاته هرشليز
دختو ورتفع عندكم السكر والضغط والكرسترول
ماعليه الجوى حلو روحو امشو ساعتين وشربو 3 اقلاصات شاي اخضر وتنتهي السالفه :)
هناك 7 تعليقات:
حرام عليج هالتعذيب احب البان كيك
الحين شيطلع الصورة من بالي
ما اعرف اسوي الخلطة في البيت
تعرفين مكان يسويها
ما شاء الله عليج مبدعه..
مو ثقيل ؟؟؟؟؟
Sweet Revenge
لاوالله ما اعرف احد يسوي نفس الخلطه بالموز
بس البان كيك بس عندج ماكدونالز على الافطار حلو
Om MoD
انتي اتعرفين ذوقي =) احب الثقيل
بس لا مووايد
ماشاءالله عليـــج ،،
الصورة مُـشهيـة @@
ومن كلامج عن الطريقة حسيت انه لذيييذ
.. يبيلي اجررب =P
تسلم يــدج عزيزتي ~
بالعافيه يارب..
يااااااااسلااااااااام عليج
من قال شوقتيناااااااااااااا :)
عليج بالعافيه :)))
أي جاي اخضر يهضمه ؟ أي تيزاب .. بس ماعليه مره وحده بالعمر ماتضر :P
نايس
بالعافيه
اجرب واقولج شيصير لول
إرسال تعليق