مدونه العزيز ( كظماوي ) امسوي مسابقه احلا قرقيعان.. وأنا و ( purplecious ) لجنه التحكيم .. ولي يبي يشارك .. يطرشلنه على واحد من هال الايميلات الموجوده أدناه .. صوره وحده فقط للقرقيعان .. ونختار احلا صوره .. واخر موعد لاستلام الصور يوم الجمعه انشاءالله 4\9\2009 وعقب انصوت حق احلا قرقيعان ونسويله بنر بمناسبه الفوز .. وهالبنر راح ينحط ابكل بلوق مشارك :) .. ولتفاصيل اكثر اضغط على
تحديث
مانبي صور من قوقل ويلا فلكر ويلا الفيس بوك وربعهم لااا حبايبي نبي قرقيعان الحين مال هالسنه صجي على قوله كظماوي :) .. ولي يدزلنه ايميل كتبو فيه اسم بلوقكم عشان نعرف :) وشكرا لحسن تعاونكم معنا :)
هناك 13 تعليقًا:
:)
فكرة حلوة ..
بس ما ابي أشارك :)
وعساكم عالقوه ...
يصير احط اي صوره من قوقل ؟
واذا كانت الصوره مكرره ؟
يعطيكم العافيه
مو جنه المشاركين لازم يدزون حق كل الإيميلات الموجوده عشان إنتوا لجنة الحكم كلكم تختارون أحلى صوره ؟
وناسه بس قرقيعانه ليه يوم السبت :×
مايصير تمددون الوقت
واللي قرقيعانه فظيييع بس ما يعرف يصور شالفايده اكيد بيطلع خايس بالصورة بعدين محتوى القرقيعان يلعب دور
مع اني ما احب هالسوالف بس هذا الزواج ما يسوي
انا احب تاخذلك فله جبيرة وتترسها بالمحب والمكسرات والحلاو والجاكليت
ووزع بمله صغيرة حق اللي يقرقع
:)
فيونكات وينكم عن هالخبر
غوتشي الفنار تم اغلاقه من قبل البلدية !!!
بالصور
http://img101.herosh.com/2009/09/01/818074215.jpg
http://img103.herosh.com/2009/09/01/627260813.jpg
:(
انا مثل ما قلت عند كظماوي
بس بتاااابعكم :<
نووو قرقيعان هالسنه :<
السلام..
شلونج فاتو..
خوش فكره ماشاءالله..
بس هم احنا مثل فيشه ماكو قرقيعان هالسنة :(
بحاول اشارك وياكم
خوش فكرة والله : ))
والله فكرة حلوة
ودي بس لو اشارك فيها
بس مو حاصلّي
لأنه هني في helloween ماكو قرقيعان :(
ام موود :
اهلا اهلا برفيقه عمري وحبيبتي :)
ليييش ؟؟ اذا مومسويه .. شوفي احد من عندكم امسوي عادي .. ناطره الصوره :)
المباركيه :
هلا ابولد المباركيه سيتي :)
لامايسييير :)
نبي قرقيعان مال الحين :) ناطرتك :)
ماستر :
هلا والله :)
اتفقنا ان اي احد توصله صوره على طول انحطها في بوست واحد عند كظماوي بدون لاننشر البوست الا اخر شي :)
دودو :
هلا والله فيج :)
انتو مايسير اتجدمون لوووول .. قبل لاتحتفلون صوري ودزيه :)
artful:
هلا والله فيك :)
احنه قرقيعانه نفسكم .. انا عندي جذي اونس .. بس بالنسبه للصور اذا ماعندك خبره اتصور خل اي احد يجكجكلك جم صوره ودزها لنا :)
غير معرف :
هلا والله :)
الماركات تخصص ( الفيونكه ماستر ) :)
وينج ياماستر عن الخبر :) طلع صج ويلا اشاعه :)
ليش عسى شاكين فيه ان تقليد ؟؟؟
fisha :
هلا والله ابفشتنه :)
لييش.. شوفيلج مني ويلا مني امسوي .. عادي ترى .. :)
رورو الشخبوطه :
هلا ابرورتنه :)
اشفيكم هالسنه انزين الي مومسوي خل اسوي بس حبه وحده حق المسابقه .. عشان مانكلف عليكم لووول اشرايج :)
شهد :
هلا والله ابشهد :)
والله انتي الصراحه اتبردين الجبد :) مشكوره :)
the.one
هلا والله فيج :)
مايخاليف نقبل الهالاوين :)
احلى تصوير تقصدون للقرقيعان
جاردينيا :
هلا والله ام عيسى :)
نقصد احلا شكل للقرقيعان .. يعني اذا امسويه قرقيعان حق عواسي صوريه ودزيه لنا :)
إرسال تعليق