mascara

أنا من عمر ما أستغني عن ماسكره ( لانكم ) بس الحين لمن قالتلي بنت خالي عن ماسكره ( برجواه ) الصراحه عفت (لانكم ) .. هالماسكره حدها عجييبه اتطول ابشكل موطبيعي وتكثف ..راح تلقونها ابجمعيه الشاميه اب 4:500 اهيه نوعين لون رمادي الي اهيا هذي والثانيه أزرق العاديه . (ام مود) ترى شريتلج مثل ماوصيتيني :) بغيت اصور عيني وحطها لكم عشان تقتنعون بس عقب هونت عشان ما تنظلونها :) لوووول .. وشرايكم ابتصويري ؟ خطير صح :)

update وهذي شكل الفرشه ياماستر

للتكسير و ...

اليوم انا و أختي كنا رايحين البلوكات ( سوق الأقمشه ) و شفنا هذا المحل متنا علي من الضحك

حق إلي ما فهم : تكسير و تعفيس القماش طبعا

بخاخ الأحذيه

بما إن احنه ابلشته وكله لابسين جواتي سبورت ( تكرمون ) .. ففي بعض المرات الجواتي اتطلع ريحه غير مستحبه ( اعجبتني غير مستحبه ) :) فهذا البخاخ الي من مركز سلطان اهو الحل .. اتثبتونه بالجوتي من داخل وترشون بخه وتلبسونه ولمن تفصخونه ماراح اتشمون ريحه فيه :)

المطر

وااااااااااااااااااااي المطر إينن وايد حلو ..اللهم اجعله صيبا نافعا ..اللي نايم طافه نص عمره ..لا تشوفونا شلون وقفنا عند الباب نطالع المطر والله ولهنا عليه ..

مجوارب & اللكونات

لا تعليق الصراحه :)

update: قصدهم جوارب و كولونات

شربت زقاير

أنا اذا كنت نايمه وعطشت ابنص الليل ما أروح اشرب ماي .. لأ .. أشتهي شاني أو بيبسي .. لوووول مادري ليش اتصدقون هالشي فيني من زمان :) المهم أمس بليل عطشت فقمت رحت الصاله عشان بشرب ماي هالمره.. عندنا ثلاجه اصغيره .. جان أشوف بالطاوله بيبسي ( بيرقر كنق ) قبل لاينام زوجي كان طالب منه ..قلت الله ..يا ابوقتك .. جان أجيك عليه بارد ويلا حار ويلا أشوه في ثلج .. يعني ليل حين بارد .. ويوم شرب .. ويلا أحس في أشياء فيه مادري شنو .. ويوم أبطله وطل فيه .. ويلا الصدمه الكبرى ويلا أثاري زوجي قاط زقاره فيه .. لاعت جبدي صج بمعنه الكلمه.. الماي أصفر وحثاريت الزقاير ابكل مكان .. والله جبدي قامت تقلب .. ولقيت مكسرات بالطاوله قلت خن اكل عشان يروح الطعم .. واكل واكل واكل وروح اتمظمظ وفرش أسناني ..وييييييع ونفس الشي بموووت من لوعه الجبد .. وماقدرت أنام عدل لين الصبح .. دقيت على أمي قالتلي شربيلج حليب عشان اتخف لوعتج .. واااي الله لايوريكم الي صار فيني :( وقول حق زوجي الله يهداك مالقيت الي البيبسي اتطفي زقارتك فيه :) جان يقولي قلعتج أكو أحد يشرب بيبسي ابنص الليل و صارله جم ساعه بعد :) لوووول

online shopping training

وصلني بالإيميل

إضغط على الصوره للتكبير

عبدالوهاب

يايتلنه دعوه من خالي على مطعم لبناني اسمه ( عبدالوهاب ) اهدمومطعم ( فدركرز ) وبنو هذا بداله اهو مطعم لبناني .. الصراحه أكله حلو كل شي يابولنه من غير ما احنه نطلب من المقبلات الى المحلبيه :) .. ومحد يقدر يروح هالمطعم هالفتره لي اخر الشهر الا الي عنده دعوه .. وفي ناس يايين مادخلوهم لأن ماعندهم بطايق دعوه ..اكسرو خاطري طاقين درب ومتعنين اخر شي مادخلوهم .. شكلهم كل الي مادخلوهم راحو ( لونوتغ ) :).. وأشكر خالي على هالدعوه الحلوه الصراحه ماقصر عزم كل العايله من اخوانه وخواته وعيالهم وحريمهم .. حتن أهل زوجي عطاهم بطايق.. الصراحه الأكل ابلاش لذيييذ وونس :) لووول .

استايلي

اموزعين على السيايير هالموقع حق الملابس والجناط وغيره .. الصراحه عجبني وهو كله ماركات في تقليد وفي أصلي .. اهو موقع كويتي وأحلا مافيه إن تدفعون لمن يوصل البيت .. أنا ماحب أدفع عن طريق الانترنت :)

إضغط هنا لدخول الموقع .

الحياة و الموت ... من وجهة نظري

.... الحياة و العمر خطان متوازيان يفصل بينهما الموت ....هذه الخاطرة تجول في ذهني منذ اكملت 24 سنه و مع نهاية السنة و بداية سنة تجدد السؤال: الى متى ساعيش حياة بهيمية اكل اشرب نوم بدون هدف ...الى متى سيمتد عندي الامل بالحياة ... متى يكون موعد الرحيل ...

انا اعتقد ان الحياة و الموت عبارة عن رحلة لها محطات مختلفة اولها عند انعقاد النطفه بعدها بث الروح والولاده .... و المحطة التالية لا اسميها الموت لان معنى الموت موت الجسد و تحلله و لكن اسميها الانطلاق لان الروح تحرر ت و انطلقة لعالم البرزخ عالم الحصاد على مازرعناه في الارض و بعدها القيامة و الحساب......و النهاية الرحلة والمقصد اما الجنة او النار ..... ما معنى الحياة

الخلاصة و الاستنتاجات الي وصلت لها هي :

1. التحول من الخوف من الله الى حب الله حب غير مشروط بالعطاء (و اكيد بسألني سائل شلون ما نخاف من الله و الجواب لا تعصيه فقط ) لان الانسان اذا احب و عشق احد ما يخلص يتفانى بالحب و العطايا له و يخاف ان يجرحه بقيد انمله و كيف بانسان يحول هذا العشق لعشق الهي ... فهني عرفت من خالقي.


2. 
   
   ان يكون للانسان هدف(شخصي -اجتماعي- عائلي-صحي -مهني-ديني) و يجب ان يكون الهدف مكتوب ليراجعه و يتاكد من تحقق الاهداف المبتغاة ..... فهني عرفت معنى وجودي.


3. استخدام قانون الجذب و الى اهو النية ان اي عمل انوي ابديه ان تكون نيته خالصه لله يعني... التسليم و التوكل على الله و حسن الظن به فباذن الله....... راح اجذب الاشياء الايجابية و ابتعد عن السلبية....... في حديث قدسي " أطعني ياعبدي تكن مثلي، تقول للشّيء كن فيكون. فهني عرفت معنى الحياة


4. عش يوم الساعه الدقيقه الثانية عش اللحظة لانها لان تعود .... كما قال الامام علي (ع) "بركة العمر في حسن العمل"....فهني عرفت معنى الوقت و العمر .


5. اعمل لترك بصمة في الحياة وكن ممن قيل فيهم :وكن رجلا إن أتوا بعده ** يقولون مر وهذا أثر.

....اذن الآن أنا مستعدة للرحلة

18-يناير-2009

مشكورين يا فيونكات ويا زميلاتي بالدوام ولو إنها متأخرة .. مشكورين على الهدية الحلوة بمناسبة عيد ميلادي الميمون .. لووووووووول :)

حبيباتي ما قصورتوا وايد ونستوني ..

واللي صار إنه الجنطة لايقة مع لبسي فعلى طول كشخت فيها ..

البرد

الجو البارد مو مخلي أحد صاحي الكل مريض اللي كحة واللي سخونة واللي واللي واللي يسور حبيبي صار له جم يوم تعبان دعائكم له بالشفا حبيب قلب أمه..

موسيقى للعقل الباطن

(اولا اعتذر عن طول الغياب لاسباب عائلية )

اليوم يايبتلكم موقع موسيقى للعقل الباطن او الا واعي تساعد هذي الموسيقى على قولتهم على الاسترخاء و تزيد الذاكرة و تساعد على سرعة التعلم و غيرها ... تكتشفونها اذا حبيتوا تدخلون الموقع و بعد في مقالة من احد المنتديات وايد اعجبتني تتكلم عن نفس الموضوع و فيها معلومات مفيدة

شكرا منال

جربت هالشوربة من بلوق ( أطباق سهلة ) للإخت MaNaL واللي شدني لون الشوربة لونها عجيب غريب و حلو ..ولأني من محبين الملفوف البنفسجي فقررت أسويها وجربتها والحمد الله الطعم طلع أحلى مما توقعت بس جنه لون شوربتها أحلى من لون شوربتي بس مو مهم الطعم كان ولا أروع ضروري تجربونها ..وتدرون منال شنو مسميتها ( شوربة البنفسج ) بالإضافة للشكل والطعم واللون الإسم حلو بعد ..

سؤال موجه حق MaNaL : شنو الغلط بشوربتي ؟

أحس الدهن وايد .. ولونها غامج مو على وردي ؟؟ شنو نوع الجبن اللي استخدمتيه وجنه كمية الجبن شويه ؟؟

المقادير تلقونها هني :)

مو معقولة ؟؟

مودو معطل صار له أكثر من إسبوع هل يعقل إنه العطلة تبتدي في 1/2 /2009 والناس تغيب من قبل إسبوعين تقريبا ..؟؟

حبيبي فديت خشمه قعدته من النوم ولبسته ودفيته ويلا على الروضة وإذا بالحارس ..لاحظوا حارس الروضة قبل ما يدش مودو قالي : ما فيش ولا طالب يا أستازة ..

أنا : ؟؟؟؟؟؟؟؟؟؟ أي شي شكو تو الناس على العطلة ..

رد وقال : بآ كل سنة وإنتي طيبة وما فيش دوام إلا بعد أجازة نص السنة ..

أنا : أوكي ..بس تو الناس ؟؟

الحارس : إزا كنتي عاوزه تنزلي تكلمي الإدارة تفضلي ..

أنا : لا ..مودو إصعد السيارة ..

حبيب القلب لما صعد السيارة يقول : ماما وديني روضة ثانية ..لوووووووووووول

شكو أنزل اكلم الإدارة شقولهم تخيلوا يعني من عقب عطلة العيد ما دوام مودو أول شي صار في عقنقز عقب راح له يومين وكله ضم لما ما بقى أحد غيره بالروضة ..شنو هذا ولما سألت بنت عمي تقول عندهم بمنطقة حولي التعليمية ( الرميثية وربعها ) دوام عادي وما في أحد غايب يمكن توهم غايبين مو من قبل ألف سنه ..

منو المسئول؟؟؟؟؟؟؟؟؟