منو صار له هالموقف ؟

أمس وأنا رادة من الدوام كنت محتاجه جم غرض من الجمعية ورحت وصفطت بالمواقف وطفيت المكيف وشلت جنطتي وموبايلي ونزلت.. دشيت وخذيت الأغراض اللي أبيها وأنا أحاسب قلت خليني أطلع المفتاح من الجنطة قبل ما أطلع أدور ..أدور ماميش ماكو شي يا ربي وين حطيته ..عاد قلت حق الكاشير بخلي أغراضي أنا بروح شوي.. وأروح الأماكن اللي شريت منها أغراض قلت يا سبحان الله يمكن حطيته مكان وأنا باخذ شي لالالا مو معقوله سألت اللي يم الرفوف ما شفتوا مفتاح سيارة.. محد شافه ورديت مكاني عند الكاشير وأحوس بالجنطة ماكو ولا شي.. مسكين الريال ما قصر دور داخل الجياس هم ماكو شي أنزين شلون أرد البيت ألحين ..عاد قمت وخذيت أغراضي قلت أكيد نسيته بالسيارة وأنا طالعه يدامي سايق يسألني شنو سيارتج هذي.. ترى تشتغل أنا يقول داخل إنتي شنو يدور مفتاح سيارة بس إنتي ما يسمع .. مو مني من اللي فيني محتارة وين وديت المفتاح .. جان أقول بقلبي : وي شصاير فيني عمري ما سويتها شلون جذيه ناسيه المفتاح بالسيارة ومخليتها تشتغل لاحول ولا قوة إلا بالله العلي العظيم الظاهر الزهايمر بدى معاي مبجر :) وظليت أضحك على نفسي وشلون سويت جذي ...

شريته لصقت الشدو

في مطار ماليزيا (ادري ذبحتكم في مليزيا ..بس انا خميت الاولي وتالي ) واحنا ننطر الطياره دخلت محل المكياج وله اشوف ركن فيه منتجات هذي الشركه ومنزلين الستكر الشذو ..مره وصلني بالايميل يمكن السنه الي فاتتت ..قلت خلني اشتريه واجرب



فيه كل هل الالوان والدرجات ...بس اشلون يركب على كل العيون ..في عيون فيها مساحه وفي عيون مافيها مساحه ..يله المهم اجربه ونضحك شويه =)

تيجان

Butterfly style

Turtle style

إذا عندج حفله ؟ أو عرس ؟ و محتاره شنو تسوين بشعرج ؟ التيجان هم الحل وهم مودة السنه بعد

هذي المجموعه من التيجان متوفره بجميع الألوان (أحمر/أصفر/وردي/أخضر/أزرق)

صناعة أيدي كويتيه

تدرون شنو بعد ، تصلح هديه إذا قاعدين إدورون على شي غير و مو موجود بالسوق

للطلب إضغط هنا : pick your tag .com

جوتي أزرق

عجبني ... في أحد رايح Rriver Island و شافه ؟

سعره تقريبا 35 دينار

فاتو ديما تسالي شنو الوان السنه

أرد و أقولج الأزرق الأزرق الأزرق اللون الجديد على الساحه

كل ما أقول بشتري أهون

من زمان ما كتبت بفيونكات ، و فاتو امس مادري أولت امس داقتلي و مهاوشتني ، فقلت خل اكتب قبل لا تذبحني المهم ، هذا القلب إلي بالصوره انا شيفته في عرض By Malene Birger المحل إللي بالمرينا جدام Zara ، وايد عجبني خصوصا على العارضه و السنه بعد هبت القلوب الكبار الـover قلت بس ينزل راح أشتري يعني راح أشتري ، أول كل ما عجبني قلب أستغلي ، هذي المره قلت حتى لو غالي باخذه . شفته اليوم نازل في سايت net-a-porter بـ 70 دينار تقريبا .... هونت ما ابي ما أقدر أدفع 70 حق شي بلبسه3 او 4 مرات، بعد لما أقرب الصوره مادري شلون شكله ، من بعيد حلو بس مو مال 70... 40و يالله .... آآآآآآه متى أشتري شي كبير مثل هذا :(

الصورة علي و التعليق عليكم

شرايكم بالصورة .....لا حظتوا التلفون في الباص ؟؟؟

هذي الصورة صورتها في مدينة مشهد في 24\2\2009

و ناطره تعليقاتكم :)

الشرطي بو بلال

منو مايعرف الشرطي بوبلال .. طبعا الي يمر ابشارع دمشق لازم يشوفه .. نفسه حلوه بالبرد وبالحر ولرطوبه ولغبار الابتسامه ماتفارق ويهه ماشاءالله عليه .. الشباب كله واقفه عنده اتسولف معاه حتن اخوي ( حمني ) ماسلم منه لازم ابردته من المدرسه يقعد معاه يسولف .. ولا بعد حمني معطيه صورته وبوبلال يقوله ترى صورتك حطيتهه عندي بالدوانيه .. يعني اخوي مشهور عند ربعه الشرطه :) لووول .. ومن كثر مايحبه صور معاه كذا صوره .. خن وريكم صوره من الصور . وتحيه حق بوبلال و يعطيك الف عافيه .

update

1\4\2009

ابوي اليوم شاف بوبلال جان يقوله بوبلال ان في واحد ياله جان يوريني صورتي بلبلوق :) .جان يقول حق ابوي ليش امقطين صوره حمني .. ابوي حس من طريقته ان متظايق .. بس والايهمك يابوبلال الصوره غيرتها وحطيت ويهه :)

هيَصنه بالعيد الوطني

مساء الخير جميعا .. الصراحه حدي حدي ولهانه عليكم من زمان مادشيت البلوق لأني انشغلت ابعطله العيد الوطني .. عسى استانستو انشاءالله .. موضوعي صار قديم بس توني اتفرغ :) احنه عيدنا ابشاليهنه حده وناسه مثل كل سنه .. وهالمره وناسه لأن كان عندي ( مايك ) :) مابقى تشجيع وتعليق ماقلته :) طبعا كنه متلثمين عشان محد يعرفنه :)حته الشرطه ماسلمت مني .. قاعد اقولهم : ( عاشو شرطه الكوييييت عاشو الي يخالفوووون ) وميتين ضحك علي لوووول . وأترككم مع بعض الصور .

طبعا لازم هالبلونات .. وهذا اخوي المجرم

طبعا لازم هاللبس ويلا محد يطلع معانه :)

وهني اهلي راحو بر جليعه او بنيدر والله مادري ماكنت معاهم

وانه فاجه الدريشه وحدي مستانسه بالجو الحلو والهيصه ماوعه الي شي ابيض طاير صوبي وصارخ من قمه راسي ( بييييييييض ) وباخر لحظه لحقت على عمري وسكرت الدريشه .. الصراحه سخافه الي يحذفون بيض يخربون وناسه الواحد

ومثل مايقولون ختامها مسك .. يوم اليمعه بليل نزل علينه بردي ( حده وناسه )

أصغر بطاطه شفتها

عندنا حوض زرع بالحوش مترين ونص تقريبا..زارعين فيه كل شي =) ..بيذنجان ونخل وحنا زرعه هنود ما أعرف أسمها أتنزل السكر مره ..كل هندي امر جدام بيتنا يبي منها ..وزارعين بعد ليمون ..فلفل ..وعنب ..خلط ..كل شي ...ولما ردينا من ماليزيا زرعنا فيها رقي اصفر يبناه من هناك ....وبعد بطاط ...وهذي اول بطاطه تطلع ...ضحكتني من صغرها اول مره اشوف حجم البطاط جذي ...عيل بالفرضه كله ابر وفيتامينات علشان اصير عملاق .

يا مسئولين صالات الافراح

الحين الي بسوي عرس لازم يتأكد من الامن وسلامه ..لازم في اضاءه الي تشتغل اذا انطفت الكهربا ..لازم في أمن نسائي في الصاله ..طفايات حريق ..صافرات انذار ..أنذار الحريق ..انذارات دخان ..نبي أحد من المسئولين أشوف موضوع صالات الافراح

لا حول ولا قوه الا بالله

اخماد حريق اندلع بصالة افراح بمنطقة الجهراء
الدفاع والأمن 25/02/2009 10:45:00 م

الكويت -25 - 2(كونا)--تمكنت فرق الاطفاء من اخماد حريق اندلع مساء اليوم في صالة افراح بمنطقة الجهراء ونقل المصابين الى مستشفى المنطقة والمستشفيات القريبة الاخرى.وقال مسؤول في الادارة العامة للاطفاء تواجد في موقع الحادث انه تم اسعاف عدد من المصابين بحالات اختناق وذعر الى المستشفى واخلاء موقع الحريق .ورجح المسؤول في تصريح لوكالة الانباء الكويتية(كونا) ان يبلغ عدد المصابين 20 مصابا على الاقل في حين قال مسؤول صحي ان مستشفى الجهراء استقبل غالبية حالات الاصابة وتم تحويل بعض الحالات الى مستشفيات اخرى .وقد تواجدت في موقع الحادث قيادات امنية ومن ادارة الاطفاء للاشراف على اخلاء الموقع واسعاف المصابين والتحقيق في الحادث .(النهاية) م ذ / م ع ه / ر ض كونا252245 جمت فبر 09

مواقع اتردد عليها ..واستفت منها

أول موقع متخصص في التغذية والصحة والرشاقة في الكويت

http://www.q8diet.com/

حبيته الموقع متنوع ومريح

++++++++++++++++++++++++++++++++++++++++++++++++++

وفي موقع ثاني لتغذيه الطفل

هم في شغلات احنى ماكنا عارفينها في تغذيه الطفل

http://www.wholesomebabyfood.com/

breakfast

اليوم تريقنا أنا وزوجي العزيز في مطعم فرايديز والريوق عبارة عن بوفيه متواضع صغيرون بس والله حلو أنا الشي اللي عجبني ورايحة رادة أحط لي منه سلطة السيزر بصراحة وايد حلوة ..وكليت بعد أومليت حلو عادي يعني مو شي غريب البوفيه منوع بالنسبة حق حجمه واللي يحب يجرب الريوق عندهم.. ترى بس موجود بالمارينا كرسنت من الساعة 7 الصبح لغاية 11 الصبح طبعا :)

العصائر طبيعية أنا اقول تروحون وتجربون وبعيونكم تشوفون أحسن :)

تجربة تستحق الإعادة :)

هذا البروشور :)

صور من البوفيههذا عصيري الطازج :)

بمناسبه عيد الإستقلال والتحرير

شفت الموضوع في أحد المنتديات فنقلته لكم

"تم في لندن تجهيز منطاد الكويت الأول الذي يحمل صورة صاحب السمو الأمير الشيخ صباح الأحمد وشعار الكويت والذي تم تصنيعه بأكبر مصانع العالم لصناعة المناطيد في بريطانيا وأشرف على تصنيعه رئيس منطاد الإمارات الكابتن طيار عبدالعزيز المنصوري.وقال المنصوري، في تصريح لـ «كونا»، ان المنطاد الذي يحمل صورة صاحب السمو الأمير وشعار الكويت تم فحصه وتدقيق جميع معدات طيرانه ولوازم الأمن والسلامة، حيث سيطلق في الكويت بمناسبة العيد الوطني وعيد التحرير.وأضاف ان المنطاد الذي تم تجهيزه من فريق الإمارات والمقدم للكويت يأتي تقديرا لدور ومكانة صاحب السمو الامير ودور الكويت في المساهمة في مساعدة الدول الشقيقة والصديقة في المجالات الخدمية المختلفة من مدارس ومستشفيات وغيرها."

المصدر : جريده الانباء

مطاعم الكويت

مساء الخير جميعا :) أنا من سنه تقريبا فكرت اني اسوي جدول وحط فيه كل مطاعم الكويت من لبناني وايطالي وصيني وغيره .. فكتبت الي ذاكرتهم .. ووقفت من سنه .. ممكن اتساعدوني وتكملون الجدول معاي :) تقدرون اتحطون بعد المطاعم الي أنا موذاكرتهم مثل المغربي والكويتي . هالله هالله بالمطاعم اليديده واللذيذه ومشكورين وماقصرتو :)

الرجاء الضغط على الصوره للتكبير :)