حمايه من المطر

شركه إسمها Swims يسوون ربل عشان الواحد يلبسه على جوتيه و يحمي من المطر والطين ، و هذا آخر إختراعاتهم ، بس بعد ما نزل بالسوق ... طبعا إلي جذبني له مو وظيفته ، شكله إينن وايد حلو ، باخذلي واحد و أركبه على جواتيي بيطلع غريب .

المصدر: NOTCOT.com

جيس

موجودين في Mark and spencer الكويت ، الواحد تقريبا بـ 3 دنانير ، جيس جمعيه من قطن ، مثل ما يسمونه الإنجليز ، للحفاظ على البيئه و للتقليل من إستخدام الجياس البلاستك فيشيلون هذوله . حلوه حق أشياء ثقيله . و لو إني وايد أحب هذا الرسام أو مثل ما يقولون الـ Fashion Illustrator ، إسمه David Downton بس ما شريت منهم لأن عندي وايد من قبل من Ikea و مادري وين (ما ابي أيمع)

أكو أربع رسمات 2 منهم حق عارضات إنجليزيات على بونه مارك اند سبنسر إنجليزي

يتشابهون

Jeremy Piven من Entourage وايد يشبه Tom Ford مصمم gucci سابقا ... مو صح ؟

Nikon D60

Garmin T3 gadget awards

قرائهم إختاروا هذي الكاميرا

The Best Imaging Gadget

لانها سهلة الإستعمال ، رخيصه بالنسبه لهذا النوع من الكاميرات و صورها واضحين

صج هذا الكلام ؟؟؟ اكو احد مجربها ؟

المصدر : T3

كيت و ليو

من بعد تايتنك

Kate Winslet و Leonadro DiCaprio

بمثلون مره ثانيه مع بعض في فلم

Revolutionary Road

بينزل في شهر 12

سؤال : ليو ليش ما يكبر ؟؟؟

Fighter Motorcycle

أنا ما احب السياكل ... أو مو ما احبهم ، ما أهتم لهم بالأصح ، بس هذا السيكل شكله عجيييب قلت لازم تشوفونه ، ما تصدقون وين ينباع ... في Neiman Marcus department store ، معروف إن يبيع هدوم . هذا السيكل موجود في الـ christmas book مالهم و سعره 110,000 $ يعني تقريبا 30,000 الف دينار

تبون تعرفون أكثر؟ إضغط هنا

جنطة laptop

جنطة laptop بس مو أي جنطه ، من يلد حيه و سعرها يالشي الفلاني ... هذي إلي بصوره بـ 228 دينار . شوفوا السايت أكو تقريبا 4 ألوان و بأسعار مختلفه على حسب اليلد . violet may london

Gummy bear

ليت ( مثل الأبجوره ) بس صغير يمكن كبر كف اليد

من مطاط يشتغل على بواتري

السعر : 21 دينار

للطلب : Target.com

مفاجأة لا تصدق ؟؟؟!!!

اليوم في الدوام كنا محتفلين بعيد ميلادة وحدة بالدوام و صدف دخل مراجع علينا الظاهر الاخ استانس على وناستنا فعطى رئيسة القسم سؤال قال عطيه حق موظفاتج و لي تحله راح أعطيها جنطة تتوقعون شنو ؟؟؟
Gucci
و يات و عطتنا السؤال وهو :5+5+5=550
والحل هو وان نحط شرطه على الزائد و تصير 4
545+5=550
انا بسرعه عرفت الجواب لاني ماخذته مره في دورة و بعدها اتصلنا على الريال بنشوف صج و لا جذب بيعطينا الهدية و الله وطلعة السالفة صج و خذى الاسم وقال بوصلها مع السايق على بونه باجر و انا حاطه بالي ان يجذب و لا بنص الدوام اي سايق وبايده جيسة غوتشي امبييي ما صدقت حتى بغيت اردها بس البنات حبايبي قالوا اخذيها هذا من حقج :) و دقينا على الريال و شكرناه .

انا للحين منصدمة صج اذا قالوا رزقكم باسماء وما تعلمون و انشالله يطعمكم مثل ما طعمني قولوا آآآآآآمين

Napket

فتحوا Napket (مطعم في الأفنيوز) ، رحنا له من جم يوم ... ديكوره مو طبيعي ، ما جنكم بالكويت ، و الاحلى من جذي ، عندهم قعده بره بالبلكونه ، فيها نافوره صغيره و إهمه بعد يطلون على نافوره تحت ، جنها النافوره الراقصه مع ليتات ملونه . المكان عجيييييب ... الأيام اليايه بتكثر القعدات بره و الجو بتحسن ، فزهبوا روحكم . أنا كليت عندهم سندويش ، خبزه فرنسيه داخلها بسترما مع مسترد و مايونيز ، حلوه عجبني طعم المسترد ذكرني بصمون فرنسا ، كله يحطون في مسترد . إختي خذت سلطه جرجير ، تقدرون إنتوا تختارون سلطتكم . و إلي يقعد داخل المطعم أكو iPods تقدرون تسمعون فيهم أغانيكم المفضله ، حدها الفكره عجيبه ، حق إلي بيي بروحه . وايد يشوق أكيد راح أروح له مره ثانيه .

بوست من blog مارك عن المطعم ، في صور إضغط هنا ، و صج مثل ما قال مارك أسعارهم غاليه ، إلي الصمونه تطلع بـ 4 دنانير تقريبا ، بس أنا الصراحه عجبني .

Living Room lounge

Confashions from Kuwait الله إيعافيها كانت حاطه في بلوقها عن إفتتاح الـLiving room Luange (قهوه) من شهر 8 ، و إحنا كل يوم نقول بنروح و بنروح و ما صار ، و يا رمضان و راح و لا مريناها... أخيرا بعطلة العيد رحنا ... شي مو طبيعي وقتها كان الجو حلو و براد ، يطقنا ذاك الهوا ... ياي ياي ياي ... حطوها باللسته حق طلعات الشتاء ، وقت القعدات بره . مكانها في مارينا ويفز (وين ماكي المارينا ... تحته ) . عندهم سندويشات و كيك بس ما جربناه ، شربنا قهوه ، زينه أهم شي إستمتعنا بالمنظر الخلاب و القعده الحلوه .

Obama

Jean-Charles de Castelbajac

Sonia Rykiel

ما أصدق !!! obama قاعد يطلع في كل مكان

حتى بالـ fashion week في باريس ... شدعوه ؟؟

مو بس جذي أكو بعد كورنفلكس على صورته و صورة مكين

500 حبه بس ... تخيلوا!!!!

للطلب charles and marie

Chanel ...how nice

مجموعة صيف 2009

تره هذي جنطه ، مو جيسهم (من يلد)

:) غريبه ، بالمقلوب

Any body looking for ASUS

ASUS

laptop ، ميزته إن صغير...وايد صغير

إلي قاعد يدور علي ، تره موجود في carrefour بالأفنيوز

99 دينار كويتي بس

انتهى الشهر الفضيل والعيد طق الباب

الهي اختم رمضان لأحبائي

" بمغفرة بلا عذاب "

" وجنة بلا حساب "

" ودعاء مستجاب "

عيــــــــــــــ مبارك ــدكم وعســــــــــ من عواده ــكم

حبيت اعيد على حبيباتي واصدقاء البلوق واتمنى لهم عيد سعيد بين الحبايب والاصدقاء واهم شي وناسة اليهال وفرحةهم بالعيد لا تقصرون عليهم بشي كافي انشوف ابتشامتهم المرسومه على الوه الطفولي ونذكر ايامنا شنو كان العيد بالنسبه لنا :)

الله يعودها علينا وعليكم اجمعين .