الثلاثاء، 22 سبتمبر 2009

وداعاً حبيبة قلبي........ إلى الأبد

وأخيرا وبقدوم شيخ الشباب فارس ( ولد أخوي ) يسور قرر إنه يهديه المصاصات ويتركها إلى الأبد ...حبيب قلبي فديته أنا كاسر خاطري ومعوّر قلبي ...يوم اللي تبرع بالمصاصات حق فارس ما نام إلا الصبح وبالغصب ..احس الأفكار توديه يمين ويسار ويحاول يدور النومه ومو لاقيها ومستحي يقول لي وين صاصتي ( يعني وين مصاصتي ؟؟؟)


حق كل اللي كان ينقد عليه ويقوله صرت ريال ... أسنانك اختربت ..شكبرك ولحد ألحين تمص....واي قطيعه شنو هذا ...لي متى ؟؟؟

كل اللي قالي بسه عاد ..؟؟؟ كل ما كبر يتعلق أكثر....كل اللي حاول يخشها عنه .....

أقوله وبصوت عالي يسور هد المصاصة وبرضاااااااه ومن يومها معتز بنفسه ويقول حق الكل أنا عطيت فارس مصاصتي ويسمع الصفقه والتشجيع.. وهات يا توزيع ابتسامات...

يا بعد روحي والله أدري قلبك معورك بس الصراحة طلعت ريال صج ومن يوم ما خليتها ما رديت طلبتها ...بس تحنحن ما بقول وايد بس تحن :)

مصاصات يسور ..خلاص صاروا بالنسبة له ذكرى بس يشوفهم بالصورة

السبت، 19 سبتمبر 2009

العيد هل هلاله


فيونكات تهنئكم بالعيد المبارك .. و كل عام و أنتم بخير .. أعاده الله عليكم بالخير و البركات.
استقبل عياديكم على حساب رقم ( 1234 ) :)

السبت، 5 سبتمبر 2009

قرقيعان الأول لعيسى


في نفس الوقت مع فرحت الناس بالقرقيعان السنه الي فاتت كانت فرحتي في عيسى .
انولد في يوم القرقيعان (إضاهر راح يحب الحلاو وايد )..واتذكر اشلون الاهل اتلقو الخبر وأهما يحتفلون بالقرقيعان ...وشكثر حصل قرقيعان يوم الولد ..الله يخليه لي وبارك لي فيه ..شوفو قرقيعانه اهوى ويه اخته .







عساكم من عواده =)

الثلاثاء، 1 سبتمبر 2009

مسابقه قرقيعان عند كظماوي


مدونه العزيز ( كظماوي ) امسوي مسابقه احلا قرقيعان.. وأنا و ( purplecious ) لجنه التحكيم .. ولي يبي يشارك .. يطرشلنه على واحد من هال الايميلات الموجوده أدناه .. صوره وحده فقط للقرقيعان .. ونختار احلا صوره .. واخر موعد لاستلام الصور يوم الجمعه انشاءالله 4\9\2009 وعقب انصوت حق احلا قرقيعان ونسويله بنر بمناسبه الفوز .. وهالبنر راح ينحط ابكل بلوق مشارك :) .. ولتفاصيل اكثر اضغط على


تحديث
مانبي صور من قوقل ويلا فلكر ويلا الفيس بوك وربعهم لااا حبايبي نبي قرقيعان الحين مال هالسنه صجي على قوله كظماوي :) .. ولي يدزلنه ايميل كتبو فيه اسم بلوقكم عشان نعرف :) وشكرا لحسن تعاونكم معنا :)