الأربعاء، 31 ديسمبر 2008

aguilera تصمم


christina aguilera راح تصمم هدوم حق top shop ( مادري شلون ) و لا راح تاخذ 4 ملايين باوند بعد ، آآآآه ياقلبي ، مغنيه شكو بالتصميم!!!!
المصدر: pipeline

me love this tasree7a

هذا مو شعرها إلي بالنص صح ؟

سوق الحمام

حبيبي حمودو قبل أسابيع خذاه أبوه يوم اليمعة وراحوا سوق الحمام وشرى كتكوتين ملونين تعرفونهم اللي ما يسكتون من التوصوص ويمكن 4 ما أدري 5 سمجات المهم ظلوا أهو مع يسور مجابلين الكتاكيت وأنا اتحلطم عليهم يعني لو إحنا ساكنين ابيت ميخالف بس إحنا قاعدين بشقة يعني مساكين هالكتاكيت محبوسين داخل الكرتون والمشكلة أثنينهم حاكرين نفسهم بزاوية ما أدري ليش وحمودو لزم ناخذهم معانا بيت الماما وخذناهم وهناك عيال أخوي ( سلمان وفواز ) ما قصروا فيهم ما يخافون اسم الله عليهم ويشيلون ويحطون فيهم وهذيل من عمر ما لهم روح بسرعة يموتون ومن الشيل والحط والغباء اللي فيهم طبوا داخل الماي يعني يبون يشربون واستبردوا المهم ما أطول عليكم ماتوا وكسروا خاطري ما أحب أنا جذي وأصلا ما احب احبس الحيوانات يكسرون خاطري وأصلا حمودو ويسور يخافون منهم يعني من نطلعهم من الكرتون ما أدري ليش يلحقون اللي يركض وعيالي متصروعين إي وعاد مثل ما قلت لكم ماتوا مساكين ظلوا السمج كل يوم تقريبا تموت وحده وما بقت إلا وحده وكانت مقاومة وصحتها زينه وحمودو يخاف عليها وكل يوم يجيك على مايها إذا نظيف ولا لأ ولازم يتأكد إذا عطيناها أكل ولا لأ وذاك اليوم قعد من النوم ومايها كان وصخ قالي ماما لا تموت غيروا مايها وصج عاد غيرناالماي وزوجي العزيز قال لا تحطون لها ماي بارد حطوا لها ماي شوي دافي وفقيره الظاهر تغير عليها الماي مع انه مو أول مره نغيره لها بس يومها وماتت وحمودو حده ضاق خلقه وياي يعاتبني يماه شفتي أنا قلت لج غيري لها الماي لا تموت وما غيرتي وماتت ..فديته حبيبي قلت له غيرنا ماما بس الظاهر لأنه حطينا لها ماي دافي ماتت حبيبي وايد تأثر بموتتها بعد عمري خاف وما سلم ويسوروه اييب علبتها ويقول : سمج مات سمج مافي ..فديت خشمك يا الحلو ..

عادألحين أبوهم شاري لهم كناريه والعجيب إنهم ما يغردون إذا شافوا بعض سبحانه الله وإذا بعدناهم عن بعض يغردون ويستانسون إذا حطيناهم بالدريشة بس أنا اللي مضايقني إنهم محبوسين داخل القفص ودي أدربهم إنهم يطيرون داخل الشقة عادي وبس بالليل نحطهم داخل القفص في طريقة معينة عشان أعلمهم..
هذا واحد من الكنارية :) يونسون مع إني ما كنت حابه صوت تغريدهم أحس جني قاعده بحديقه بس ألحين قمت أحبهم

حمود ( نانو اسم الشهرة ولد إختي ) أعز أصدقاء يسور لاحظوا العقنقز على ويه يسور

صار دور حمودو وتلعوزت معاه وألحين الحمد الله عدى هالمرحلة والدكتور قالي لا تحطين له هالدوا الأبيض ما منه فود ولا عود وصج ما كملت له شوفوا شلون مصبغته لأنه صراع معاه عشان أحط له الدوا و ما صدقت يوم قالي الدكتور مو لازم ولا ضروري ..

الثلاثاء، 30 ديسمبر 2008

حبيب القلب لقيته ..وحبيبي انا بس ادري

واخيرا ..لقيت ..الي احبه ..وطبعا انا بس يمكن الي احبها لأن محد من الي حوالي يحبون ككاو بنكهات الفواكه ..بالاخص الفراوله والبرتقال مع الدارك شكلت ..احسن ما اشتري ماكنتوش علشان الورديه وله البرتقاله لقيت علبه كامله بالفراوله ..ولا بعد من غير شكر بعد علشان لمه ابي ككاو آكل حبه واتلذذ فيها والطعم والذوب بالحلجي ..ياسلام






مو جنه ملينه منها ؟


وسلمك Marc فكر بموديل ثاني
السعر : قريب الـ 500 دينار

2009


كل عام ونتو بألف خير :) انشاء الله اتكون هاسنه خير علينه .. معن وحده منبأه حطوها بجريده الوطن قالت هالسنه كلها دمار وموت شخصيات معروفه وكوارث الله يكافينه الشر.. لو عندي الجريده الحين جان قتلكم اشقايله .. معني خاشتها بس مادري وينهي . معني ما صدق هالسوالف منهم بس ننطر ونشوف . وذا لقيتلكم الجريده اقولكم اشقالت .

غباااااااااء


ضغطوا على الصوره عشان تكبر
واااااااي غبي هذا إلي مسوي الإيميل ، بقص على منو ؟؟ يقول إنتي فزتي معانا بمليون من yahoo شوفوا إيميله من وين ؟ google mail ... حلو وايد حلو

دايما معصبين وإحنا نسوق


طبعا كلنا نتنرفز لما نسوق بالشارع ، و ما يبقه تترك وهرنات لما نعصب على أحد ، هذا منتج من محل دكاني تعلقه على الجامه إلي وره و تضغط بريموت على الويه إلي تبي يعبر عن شعورك حزتها ، سعره 20 دينار ، عاد ويه ما يبرد الجبد مال يكتب ( يا حمـ... ) :)

الأحد، 28 ديسمبر 2008

1430


كل عام ونتو بخير جميعا .. ان شاء الله اتكون سنه خير علينه جميعا

الجمعة، 26 ديسمبر 2008

Biosphere

يتني مندوبه من هالشركه البيت حق اتسوويلي ( عنايه بالبشره ) ابلاش . ونظفت بشرتي وورتني منتجهم اهو سويسري ولي بجرب المنتج دقو عليها وتييكم .. وطبعا مايبين من أول جلسه لازم اشتري المنتجات واستخدمهم بصفه دوريه .. حلوه بصفه دوريه :) لوول .

مكانهم : مجمع الفايز - السالميه - شارع حمد المبارك - الدور التاسع

تلفون : 25720265 - 97276227

ورقمها الي سوتلي : 97276215 ( حنان ) .. نطرو اتصالها يا ( سنو وايت وبيرل وسن شاين وام لذاذه وزوزو ) لأني عطيتها أرقامكم :)



طبعا كان كل استخدامها بالفرشه .. مايسير انجيس المنتج بالايد لأن المنتج طبيعي ومافي مواد كيميائيه

المنتجات

هذي حنان .. ومعاها صوره لشرح البشره ومكوناتها

وهذي منتجاتهم والأسعار

الأربعاء، 24 ديسمبر 2008

شجره الكرسمس


مساء الخير جميعا .. حدي ولهانه عليكم مادري عن البلوق من زمان .. تدرون ( بزنز وومن ) :) لووول .

اليوم رحنا starbucks الي بالمنطقه الحره مع ( ام لذاذه و سنو وايت ) ومرينه يم فندق الموفمبك وشفنه شجره الكرسمس وفصلنه عليها .. الا انا وسنو وايت ننزل ونصور عندها .. وام لذاذه موراضيه وتقول اتفشلون .. ويوم مسكنا السيكيورتي وقلناله بس نبي انصور ونمشي .. ضحك علينه :) وقصبنه ام لذاذه اتصورنه ... لوووول الي يشوفنه يقول ميانين ويلا مو شايفين خير :) بس حدنا استانسنه .

الثلاثاء، 23 ديسمبر 2008

necklace


السعر : 35 دينار

أبي أفكار حق إجتماع


زميلتي بالشغل عندها إجتماع يوم الخميس أو ودها تسوي شي حق إلي بتجتمع فيهم ، أهم تقريبا 8 من نفس إدارتنا، تقول ودي أعطيهم هديه صغيره او أييب لهم شي حلو ياكلونه ، أنا فكرت في جم شي ، قلت خل نييب ورد زنبق و نحطه بقاعة الإجتماع لأن ريحته وايد حلوه ، و حلو من الصبح الواحد يدخل يشم ريحة ورد ، أو نييب لهم كوكيزمن فدريكوردز (الكوكي العجيب) ، و بعد فكرت إن نييب عصير برتقال و نحطه في قلاصات طوال شفافين و نزيده لون عليهم، واحد أخضر و ثاني أحمر و جذي ، أختي تقول لا يخرع شنو هذا ، مادري عطونه أفكاركم ، زميلتي تقول إذا أكو ألعاب أو ice breaker games يكون تغيير. عطونا أفكاركم الحلوه إذا كنتوا مسوين شي جذي من قبل .

الاثنين، 22 ديسمبر 2008

الجزء الثاني : روما أو ميلانو


أنا ما أدري جم يوم راح تقعدون في إيطاليا ، بس إذا قررتوا تروحون روما و بتقعدون مده لازم لازم تروحون فلورنسا ، إحنا رحنا بالسياره بس تقدرون تاخذون قطار، يقولون بالقطار نص ساعه بس . تقدرون تنامون ليله أو ليلتين و تردون روما أو تردون بنفس اليوم على حسب .

إحنا قعدنه في أوتيل إسمه Lungarno Hotel من نفس سلسله Lungarno ، الصوره إلي فوق هو للوبي الصغير للأوتيل و الحلو في إن يطل على النهر ، فالفيو بالليل عجيب ، فنس السلسله عندهم اوتيلين ثانين هم على النهر شوفوهم في موقعهم . الحلو في فلورنسا الكنيسه الكبير إلي موجوده بنص المدينه و المتحف الصغير إلي في أشهر تماثيل لمايكل أنجلو و لوحات لرسامين مشهورين انا ما أعرفهم بس حلوين . يعني شي غير .



ميلانو الصراحه بس نروح لها بالصيف حق السوق وقت ما ينزل الشتوي نهاية شهر 8 و بداية شهر 9 ، لأن شهر 8 عندهم السوق صاك ، في جم محل فاتح، بس الأغلبيه في إجازه ، حتى الأوتيل إلي نقعد في صاك ، إسمه Straff ، ستايله على قولتهم industrial إلي الطوفه مشلع الصبغ من عليها و الحمام حديد و أشياء ، أنا وايد عجبني ، أبوي لاعت جبده ما يحب جذي ، بس الصراحه يم ساحة الكنيسه الـ Duomo ، كل شي يمنا ، Zara , Benetton , H&M وإذا مشيتوا شوي توصلون لشوارع الماركات ، Via della Spiga و via monte napoleone و via manzoni و via sant'andrea . إلي كل فترينا احله من الثانيه .

و سلامتكم و سلامة الحاضرين .

السبت، 20 ديسمبر 2008

Open day - العلوم الإداريه

اليوم رحت حق بنات خالتي في اليوم المفتوح إلي مسوينه العلوم الإداريه في ساحة العلم ... كان الوضع عادي ، توقعته أزحم و في أشياء أكثر بس إهو حق اليهال يستانسون في أكثر ليش أكو نطاطييات و قواري أكو بعد معرض بس الصراحه ما مريت صوبهم مادري شنو في ، راح يخلصون اليوم الساعه 5:00



الجمعة، 19 ديسمبر 2008

روما أو ميلانو ؟


صديقة بنت خالتي بسافرون في شهر 1 أو 2 و محتارين وين يروحون روما أو ميلانو ، فهذا البوست إهداء لها عشان يساعدهم يقررون وين بروحون .

أنا طبعا أعشق شي إسمه إيطاليا ، من كثر ما احبهم قاعده أتعلم لغتهم ، وصلت ألحين level 5 و إنشاء الله بعد جم شهر أقدر اتكلم مثلهم . المهم كل مدينه في إيطاليا لها طابعها الخاص ، كل وحده لها مديلها، بس نصيحه إذا أول مره تروحون إيطاليا روحوا روما ، فيها اماكن وايد الواحد يقدر يزورها عكس ميلانو إلي بس سوق . و هذي بعض الصور يمكن تفيدكم ...


هذا أوتيل إسمه Exedra في روما واحد من سلسله فنادق Boscolo ، حجزت عن طريق الإنترنت ، وايد حلو و ستايله شييك و elegant ، إهو شوي بعيد عن السوق ، بس تره تقدرون تروحون مشي 10 دقايق أو أكثر شوي .


هذا مدخله من بره

وهذي كانت دارنه أنا ويه أختي


روما كلها آثار بس أشهر اماكن الواحد يروح لها هم :
1- الـ coliseum إلي كانوا اول يسوون في المصارعات (من طقت فلم gladiator)
2- trevi fountain نافورة التريفي
3- أكو معبد ماني ذاكره إسمه ، صغير ، بس دافنين في ملكتهم مارغريتا و الملك ، و المعبد أيام ما كانوا يعبدون الشمس ... هممممم ماني ذاكره
4- و أكو ساحه بعد هم ناسيه إسمها ،بس الأهم من هذا كله الـ vatican ، ما يطوف ، الكنيسه إتينن من داخل ، خيال ، و غير الكنيسه فيها متحف بعد بس للأسف ما قدرنا ندخل من الزحمه ، كان يوم أحد ، و الطابور طوييييييييييييييييييييييييييييييييل
الفاتيكان
شفتوا الطابور شطوله عشان تدخلون المتحف مال الفتيكان، و أطول من جذي بس ما يبينون الناس من اللفه من الجهة الثانيه

من معالم روما ، جناط التقليد

هذا الفيو (view) من اوتيلنا الثاني portrait suite hotel إلي قعدنا في العام الماضي ، شي مو طبيعي ، هذا أغلى من هذاك لأن بنص السوق و غير جذي كل الغرف إلي عندهم سويتات ماكو غرف عاديه ، و يمكن كلهم على بعض 12 غرفه يمكن .
شوفوا الصوره تحت ، بس نطل من الدريشه نشوف محل Celine ، و يمنا بعد Versace و valentino و marni ، هذا الشارع إسمه via bocca di leone كله في ماركات إهو و شارع ثاني إسمه via condotti ، إنتوا عاد كله دخلوا بسكيك يم هذا الشوارع و راح تلقون محلات ، و سإلوهم أي شي تبون تدلونه تره الإيطاليين وايد حليوين.



الأوتيل من سلسله اوتيلات Lungarno و هي شركه تابعه حق Ferragamo مال الجواتي فبتشوفون وايد صور لجواتيه و الممثلات إلي لبست له .

راح اتكلم أكثر عن إيطاليا في بوست ثاني ، انا ألحين لازم أروح بطقوني (أمي و إختي) لأن عندنا عرس وأنا ليما ألحين ما بدلت بااااااي

الأربعاء، 17 ديسمبر 2008

الاثنين، 15 ديسمبر 2008

مجمع سيمفوني


مجمع سيمفوني ليما الحين قاعدين يشتغلون في ... متى بخلص ؟؟
مو هذا إلي قالوا بيفتح في فندق Missoni في نهاية 2008 ؟

الأحد، 14 ديسمبر 2008

احلـــــــــــــ عيديه ـــــــــــى



الصراحه احلى من جذي ما ابي كافي احلى عيديه وصلت وهي فوز البرشا على ريال مدريد ،فاهنى ايتو على الهدف البرونزي واشكر ميسي على الهدف الذهبي ،،،،،،،، واللي ما تابع فقد نص عمره صج اللعب كانت تحرق الأعصاب بس بالأخير ضحكنا وحسينه بلذة الفوز باخر الدقايق .

اهنيكم يالبرشلونيين وانشالله فرحة الفوز دايما لنا :)


الخميس، 11 ديسمبر 2008

منتجع سليل


والله تغيير ..هذا اهم شي ..صج اهوى بعيد اشوي ..بس غيرنا جوى واتجاه ومكان ..بس اعتقد انه يبيله بعد على مايكون احسن مع انا استانسنا بس ..احس انهم مومتعودين على الزحمه والناس ..مع انه كان الفندق مليان بس مو ضغط كلش ..احسهم يدد في هذا المجال الفندقه ..الخدمه دايما متأخره ..تنسين شنو طلبتي ..من كثر التأخير

سمعت ان الفندق اربع نجوم ..على مستواه صح ..بس نظيف ..ويونس ..وراح اكون اونس بالصيف للتسبح ..منتجع منقسم الى شاليهات ولهم مسبح خاص ..وغرف فندقيه ولهم مسبح بعد خاص ..ومطعم الفندق +مقهى +مطاعم الجزء التابع له : مطعم اكل كويتي وبعدين وجبات السريعه في المجمع الصغير التابع له ..الغرف زينه ..موكبيره ولا اصغيره ..مافي اسبا ويقولون في نادي بس دورته مالقيته ..الحلو في المنتجع ان له الميني مجمع (اقصد المجمع الصغير) في كفيه والعاب (ملاهي) خارجيه وصاله العاب داخليه وجبات سريعه وبحيره اصطناعيه في قوارب على بجعه ..وحبوها اعيالنا ..واحنا اطردي بالسوق ..انخلصله ابفره بس اونس ..المهم رحناه ..وراح اعيده بالصيف باذن الله..احسن طريج له الدائري السادس واخذوه سيده ..سييده ..وبعد سييييييييييده ..وحبتين سيييده ..بعد الجهره بشوي راح اتشوفون لافته اتقولكم اهني المنتجع ..يعني موداخل الجهراء لا بعدها ..بصحراء ..المهم انهوه ميضيع ولا ادشون زحمه ولا شي على الشارع ..طريج 80 ..اخذنا الغرفه بالليله 45د.ك والشاليهات على ما اعتقد 85د.ك بالليله اخليكم مع الصور
المطعم وفيه الافطار

اللوبي

مطعم اكلات كويتيه


المقهى في السوق المطل على البحيره الصناعيه

المسبح


الحمام

البحيره الصناعيه


بالخلف الشاليهات من بعيد معزولين عن الفندق


الوجبات السريعه في المجمع


بلكونه كبيره اطل على المسابح

المجمع التجاري